(耶撚)你地信唔信呢個世界有神?
By Master
我先信耶教後反耶至「信無神論」(其實唔應該用「信」，因為我地唔係「信」一種叫「無神論」既野，我地係唔相信有神而已)，再至信「道」，點解信耶教，我由幼稚園開始被耶教洗腦，洗到真係信世上只有一個神，就係主 。
跟住上左中學，一路做中學，上高登果時就發現有班人係到反耶，
我就好奇，點解會有咁多人係到反對唯一既神呢？跟住我就開始認真讀聖經，同埋繼續睇耶撚同反耶撚既戰鬥。我越睇越唔明，越睇越困擾，跟住就覺得耶撚果套係錯既，神係冇BUG嫁，就係因為咁，我中三果年就「信」左「無神論」，直到中5CE。
CE之前我都仲係反耶既，由中3-5既RS我都冇合格過，我MISS都想叫我drop rs，費事拉低佢合格率。以我果時既反耶心理，實係唔得啦，死都要照考，就係為左拉低佢依個偽善者既合格率去考。但係CE果時發生左D野，我終於接觸到道教到佛教既野。
果時我睇完第3次本道德經，我發現我明左，真係「看破，放下」。 我依家覺得係，天地不仁，以萬物為芻狗；大道三千，有神無神，一念之間；人在做，天在看
。神，就係天地既化身，你話佢有又得，冇又得，因為天道無形，所謂神，只不過係一堆巧合而產生 。
如果有神，點解要有天災，要人死，就係因為天地不仁，以萬物為芻狗，人係天既眼中，仲細過粒沙啊，一沙一世界啊。「道」，可以解譯一切，就同果句「係咁嫁啦，好出奇啊」一樣。